What is MinatoTV

MinatoTV是由Nikkong Vigorous Ltd.營運的購物平台。以和觀眾、用戶互動、一起成長、見證香港新一代在日本獨立自主和分享有趣生活的平台。

我們嚴選Made in Japan的產品。

我們精選的產品並非一般「大路貨式」；而是擁有歷史、文化、包含日本工藝創意的傳承及日本職人的故事。

無論是對生活質素有追求、懂得欣賞文創生活產品、還是單純「日本迷」…我們都可以為你帶來獨特、有特色、有設計、有內涵的產品。

我們注重「質」多於「量」。我們不是孤芳自賞的文青，我們團體中有日本人和香港人親身試用產品，用記事方式介紹產品。

我們有限時優惠，但我們不Hardsell，不標榜最低價和地攤傾銷模式。

 

團隊成員

Andy哥

香港歷史文化遺產──即典型MK仔──鍾意著名牌揸跑車。

肚入面冇乜墨水只有酒水，但勝在份人有啲熱誠，
三字頭仍然保持到MK仔嘅幹勁。

現於大阪定居，近年致力將香港MK文化帶入日本嘅同時，
為咗回饋日本社會，除咗乖乖交稅外，
就係將日本嘅好嘢介紹返香港，促進兩地經濟…
同賺錢換新車。

Jason

外表年輕，但心底裡都係香港文化遺產──今次真係講緊文化遺產──
雖然只係廿歲出頭，但識埋啲嘢老餅到Andy同Yan都接唔到。

已結婚有個寶貝女嘅小鮮肉，日頭時間係攝影師，夜晚就係一個剪接師，
其餘時間就係個慈父。

喺佢架GTR旅行車入面，係會有陣尿片味嘅。

Yan

完美嘅男人，偏偏就係太完美，令日本女生不敢高攀，
所以係成員入面唯一一個未結婚嘅浪子。

所有嘢都係排第一，包括體重、日語水平（倒數）、瞓覺時數、血壓等等。

神，其實以前並唔係人，而係Yan。

係，唔好意思，呢篇嘢同以上兩篇都係我自己打嘅，不過保證客觀。